Happy Birthday to me~

今日係我32歲既生日, 今個生日對我黎講真係好特別, 因為有蔣小B係我個肚度同我一齊過, 雖然今年生日因為嘔得太犀利咩都無得食, 因為小B, 就算連我最愛既生日蛋糕都要行埋一邊~!!!

今日一早就起身扮下靚, 一來大人請左日假黎陪我, 二來我地今日會一齊去見小B~^^ 真係好期待~ 我地好準時就去到尖沙咀美麗華余啟文醫生既clinic, 嘩, 裝修過哂, 上次3月果時去做婦科檢查果時又細又好大陣裝修味....今次靚哂~! 等左大約半個鐘 (其實我都有哂心理準備架啦, 因為上網個個都話等睇私家醫生做check-up起碼都一個鐘起兩個鐘止既), 就有得入去睇啦~ 第一次見余醫生, 因為我地都算算地同行既關係, 都幾好傾, 唔會好似好趕時間趕人走咁~ 我同佢講左我既情況, 佢咩都話正常, 唔知佢係等我無咁擔心定係真係好正常啦, 不過我揀得佢做我醫生我就要信佢~! 之後照小B啦~~ 次次見到佢都好開心既~ 因為見到佢我就會肯定佢無事嘛~ 見完醫生, 佢再開左另一隻止嘔藥俾我 (因為上次Peter醫生果隻唔係好work), 之後我地就問埋姑娘book仁安生BB既問題, 又要準備大出血啦~~

之後我地落左翠華食lunch, 跟手就去埋Shatin新城市度行下睇下BB野, 不過都係得過睇字, 一來真係太多太花多眼亂, 都唔知要買D咩好, 二來小B先得果8週幾, d人話最好等BB穩定左先買野, 如果唔係BB又會小氣喎~~~ 行左一輪之後, 大人就suggest不如叫埋daddy mammy去意粉屋食dinner, of course我贊成啦, 因為我都好鍾意食既, 不過胃口唔太好, 又有好多野唔食得, 所以都未能盡興. 希望快D唔嘔可以食番多D我鍾意食既野啦~

第一次接觸@ 8 weeks

由6 weeks開始, 我就開始嘔, 早兩日仲開始食咩嘔咩, 連水都飲唔到, 1日嘔成7-8次, 終於體驗到做媽媽真係好辛苦..... 其實我已經book左仁安余啟文醫生8月6日睇架啦, 不過我d friends個個都話我嘔既情況比較嚴重, 我自己都擔心會唔會影響到BB, 所以Brenda就好好心幫我book左見一次佢老公Peter, 希望可以開d止嘔藥頂一兩日先, 今日係我同蔣小B既第一次接觸......

去到Peter既clinic, 姑娘問左我小小information, 因為我週數細, 所以佢suggest我飲多d水去谷脹個bladder, 咁先會照到小B, 如果唔係就要用vaginal既方法照 (which is我最唔想), 我一路飲就已經一路想嘔番出黎, 但為左小B, 媽媽幾辛苦都會忍住.....

等左around 20min之後就入得去見Peter醫生啦, 佢問左我既情況, 都覺得我幾嚴重, 同埋我個人開始好乾, 可能會有D脫水, 所以佢就開左D止嘔藥俾我, 希望我可以食到d野飲到, 醫生話最緊要飲到水, 因為BB會識得係我身體度攞營養, 叫我放鬆D唔好咁緊張~ 之後就照小B啦, hahaha.....已經見到佢有個初形, 仲玩緊"倒豎衝" tim...... Peter仲開左speaker俾我聽小B既心跳, 哩一刻我覺得好實在, 因為我真係見到小B係我個肚入面啦~ 最遺憾係第一次見小B既時候大人唔係身邊, 如果唔係成個情境會更perfect!! Peter醫生話小B既size normal, 都match我既預產期, 所以叫我放心啦~ 小B, 媽媽會加油架, 希望食左D止嘔藥可以食多D野俾多D營養你啦~~ I love U~^^

4 week

哩幾日一路都覺得個肚有d不尋常, 唔似平時既pre-M symtoms, 所以好奇心驅使之下, 就用綠d check下啦, 點知.......

7月5日上午, 今日係cycle day 28, 用綠D check到好似有條好淺既線........究竟係水印定係淺線呢?? 上網話有D人M前都會有哩條淺線, 但如果bingo左, 就會逐日加深, 但係我已經等唔到聽日再驗啦.....所以我下午即刻去左萬寧度買曼仔棒棒...... 結果係......

下????????????? 半條線??????? 係咪玩野呀??????? 咁係positive定negative呀???????? 真係攪到我個心十五十六....... 再上網問人, 佢地話不如過多一兩日等d hormone level再高d會準d, 因為其實我normally既cycle係30日, 係我心急姐~~hehehe.......

7月6日晨早, 今日係cycle day 29, 一早起身已經急不及待入toilet再驗綠D......





真係深色左呀!!!!!!!!!!!!!!!!!!! 大人起身啦!!!!!!!!!!! Yeah yeah yeah!!!!!!!!

作為一個專業既senior technical officer, 我當會用多d evidence去 support我既result啦..... 所以我又去買左棒棒s啦~

Yeah!!!! Result confirmed!! 我地做爸爸媽媽啦~!!!! 哩份係BB第一份送俾我地既禮物, 我第一時間就send左俾大人睇啦~~ 哩一刻, 其實我覺得好迷茫.....究竟bingo左之後要做d咩既哩???? 搵醫生?? 咩醫生先?? book醫院???? 應該點做呢?? 又未講得俾其他人聽住喎.....

諗番起DH既interview, 好似同平時既我有D唔同, 以前我interview一定驚到死....今次我一直都好平靜, 直到入interview room之前果15min, 先有d緊張.....原來我唔係一個人去interview既~~ hahaha.......

HA interview

原來今年microbiol同其他stream既applicant分開interview, 所以......哈哈哈哈~ 終於都可以join到central recruitment入個pool啦~!! Yeah!

我準時3:00p.m.就去到瑪麗醫院waiting room, 嘩, 一入到去已經有差不多10個candidates等緊核對d certificates啦.....睇落......佢地個個都細我唔少.....唉~ 等左半個鐘, 1行7人終於都可以出發......落G/F既另一個waiting room, 果度冷氣勁凍~! 都唔知係咪想我地班人interview之前冷靜下先>< 再等左15分鐘之後, 我地就成group入左conference room interview啦, 無錯, 係group interview!

入到去...嘩~!! 有成10個人開哂panel咁, 全部都係各cluster既高層, 佢地自己自我介紹, 當然我咩都聽唔入啦, 因為我已經好緊張啦~! 之後就輪住逐個講一個好brief既self-introduction, 果然我係入面最大果個....同埋好多candidates都有好好既experience同 qualification. Interview係以中文open discussion既形式, 個個都有分講野, 當然, 越早講越著數啦, 如果唔係你想講d points都俾人講哂囉~ 佢地問左兩條問題: 1) 點樣可以提升個lab既efficiency同work quality 2) Lab safety; 其實我真係覺得, 係哩around 20min既interview入面問D咁既問題, 如果真係可以揀到人既話, 跟本就係"做馬"啦~! 不過算啦, 我都係想入左個pool先, 等Dr Lau再開位既~, 所以我都係"做馬"既一份子~ hahahaha.......

正式宣佈死亡

哩幾日都有上網睇下有冇人講AMT位既野, 點知就見到有人話已經收到電話去interview.....心裡仲有一絲希冀.....希望係佢吹水啦.....點知今日Jasmine都話佢有friend星期一已經收到電話.....唉......自己親身再打埋電話去confirm.........2:30p.m. certified......

個人事部staff話今年department用左另一個sort-out方法, 所以我唔係個interview list入面......頂~! 有冇咁黑仔架~! 舊年大部分人都有得in, 今年我一報就大部分都無得in, 聽Jasmine講佢有幾個friend都無得in, 有D今年polyU既graduate都無.....都唔知佢用咩sort-out method去sort人, 都short short地既~!! 好嬲呀~~~~

大人既新開始

今日大人正式結束悠長假期返新工啦, 原本仲話大家一齊返新工既...... 點知......anyway, 都希望大人盡快適應新工作, 投入AIA既懷抱, 工作順利, 同d senior同同事仔都合作順利, 超勁過~!

由期望, 期待, 到失望....

還記得哩件事上年對我既"殺傷力"....... 今年, 又重覆一次.....今次, 倦了, 心淡了.......請你唔好再攪我啦! 我受唔起第三次既打擊啦...... 好佩服自己當時仲可以扮無事, 忍到返屋企先"發作", 琴晚喊到對眼腫哂, 今朝我真係好唔想返工..... 唔知哩次又要用幾耐時間先可以令傷口平伏