最愛女人購物狂

今朝一早覆完診就去左同大米老公食lunch (大米4/4 interview勁過!!!), 之後就展開我"購物狂"既本性去買左對跳舞鞋 (原本想去Nike買埋衫褲, 點知成$3XX一件好貴!!), 又去Yandy度睇衫睇裙, 不過哩期好sexy.... 著唔到, 鬼叫自己唔爭氣咩!!!>< 之後行埋Seibu, 因為今日係last day 20% off, 點知discount左都仲好貴, 加上我d"奄尖症"又發作, 揀黎揀去都唔岩..... 真係同d貴野無緣哩!~

婚後四個月

hehe..... 收到大米老公送既禮物: 星星耳環^^ 雖然係我自己揀而且佢買果時應該唔記得唔醒起果日係結婚四個月 (佢實馬後炮話記得架啦....), 不過都好開心啦!~ 希望之後既日子佢會自動俾d surprise我啦!~

無用武之地

突然間周圍既朋友 (包括我自己) 都有哩個念頭: "無用武之地"; 因為我地都有著一身好"武功", 因為我地都身處沉悶既工作環境中, 因為我地開始對自己既生活及工作有要求, 因為我地都差不多年紀 (hehe...), 覺得應該係我地既"黃金時間"好好發揮我地既"武功", 不致到我地年華老去既時候馬後炮後悔! 我同我既好朋友都有辭工既念頭, 但係人生係無奈既係現實既係殘酷既, 我地都要錢供樓, 生活, 養家.... 不能容許我地有"行差踏錯"既時候.... 所以只有"安份守己"地繼續下去.... 直到永遠亞門! 希望我地可以快d中六合彩, 去實現自己想做既事!

黃面婆?

琴日無啦啦俾小白話我結左婚之後"成熟"左同變左黃面婆, 仲話James睇落仲young過我! 有冇攪錯呀~~~~ 佢果d都唔知咩standard, 個個都話我結左婚之後靚左好多, 可能有人唔抵得我有個好老公錫啦!~ hehehehehe.......

地獄出走記

Yeah!!! 大米今朝send左application letter同CV, 下午就有reply啦, 4月6日interview, 希望大米interview勁過!!!!!!

轉工??

係我為自己既前途擔心既同時, 大米都決定左要轉工! 睇到佢係度做得咁唔開心, 希望轉工真係佢既一個解脫啦! 成日見佢咁真係好心痛! 不過大米咁叻我真係一d都唔擔心佢搵唔到第二份工, 點解要留係度受氣哩! 小米一定全力支持你架!! 我都要開始努力d儲錢為我既將來鋪路!!!!! 加油!!!!!~~~~

結左婚之後......

我想點都唔由自己話事......
咩都要同佢交代......
用哂成份身家......
睇清楚原來係唔夾......
做左佢同佢屋企人既賓賓......
無哂情趣, 唔記得唔在意我講既野, 左耳入右耳出......
最好唔駛tum我, 因為我唔會離開間屋, 想佢tum我對我好係苛求係我過份......
咩問題都係我有問題係我唔成熟細路女唔識諗, 我既感受係廢既......
佢plan左既野唔好改, 而家係佢通知我, 唔係問我意見, 佢同我講已經係respect我, 唔好提出意見令佢唔高興......
唔好重複提佢做d唔係佢想做既事, 尤其係要佢tidy-up間屋, 因為有人既地方一定係亂既, 我咁乾淨係我唔正常我奄尖我潔癖......
發脾氣你要諒解佢, 因為係我不停咁吵佢令佢唔高興......
佢唔得閒理我係岩既, 因為佢好忙, 我唔開心係我唔成熟唔體諒佢夠唔獨立, 結婚之前我已經係咁但係結婚之後仲係咁就係我唔岩, 因為佢expect我要改......
佢早收工可以返屋企我就唔好expect佢可以陪下我真真正正聽下我講野, 因為佢要有私人時間做自己野, 我想佢睇下我係我唔岩......
我係屋企整親大叫唔好expect佢會細心第一時間黎睇下你有冇事, 有事就係我唔小心, 應該自己處理, 唔好打擾佢做野......
因為佢忙, 我一定要就佢, 唔好expect佢有surprise, 要就你教佢點做, 佢或許心情好無聊又記得既時候就會做, 我"吹"佢係我唔岩......
我唔開心係我有問題有精神病, 唔好咁自私同佢講煩佢......
佢已經對我好好, 再做多d係多餘既係無聊既係形式黎既......
......
......
......
......

發覺原來我鍾意自己一個人......

精神病

心情好差, 好煩, 好忟, 唔想見人, 想見既人又唔諒解我, 唔想見人既時候又彈哂出黎要我應酬, 就黎癲啦!!!!!!!!!!

突然間好想離開哩度實行我多年來既進修大計...... 不過無錢......

仲未黑完...... 有病

同Venus傾完之後, 發覺佢都有同一個idea, 不過當然佢有哂本錢去馬啦! 起碼佢老公自己可以攪掂屋企, 而佢自己又有穀種, 更加有男家既大水喉, 只要佢肯就一定no problem啦!!~~ 佢都encourage我出去試下, 因為佢都感受到我既唔開心...... 但係我contract就黎start, 咁我應該點呢?? 簽左既話我就中間去搵第二份又好衰女, 咁又要等一年, 一個唔該開左project又唔想project未完就走, 咁又可能成2年幾3年..... 如果而家唔簽, 一陣搵唔到工或者搵左份仲衰既真係捉蟲啦! 咁點呀!!!!! 唉......

星期六同Raymond傾左一陣, 原來Randy個Lab請人, 都叫左Wins去打聽下咩pay, 因為佢都係請RA, 如果唔係好好pay既, 無理由轉啦, 返工咁遠仲要預左一定要OT, 雖然佢果度出親都係大paper又真係好attractive既, 而且佢應該有排做唔驚佢會咁快retired既..... 希望Wins會有good news俾我啦!~

好灰

哩兩日都去左HKU聽workshop, 發覺HKU真係同CU無得比, 人地既facilities咩都好過我地, 真係好想有機會去做!! 加上亞妹妹同我講話原來我可能唔係做ES, 可能做番CB, 真係覺得好無聊, 都無d新野俾我學下, 好鬼想轉過個新環境學做d新野, 不過果邊咁勁, 點會請我哩d small potato呢~ 勁灰呀!!!!!!

好黑呀!!! CCDC果兩班都報唔到, 勁唔開心呀!

Depression???

哩兩日發生左d唔開心既事令到自己既情緒起伏好大, 成日都好易喊, 真係好驚自己會有抑鬱症!!

突然發現老細對你大細起, 唔重視你, 真係好想唔做, 但係自己唔爭氣咩都唔識做, 就算唔做搵過份都係research哩行, 行頭咁窄都無咩可能走得到, 仲要再搵仲會再低d人工, 真係承受唔起, 可以點做呢? 之後要成日對住妹妹仔真係好難受, 成日Karen前Karen後咁搵老細撻我叫我教哂我所識既野俾佢, 你估真係有病大哂咩!!!!!! 仲要同佢co, 真係唔知可以撐到幾時~~~

哩個狗年真係好黑呀! 岩岩先開始, 幾時先完呀!

好辛苦...

邊個話今年屬蛇既人好好運架!!!!!! 我由新年前皮膚敏感到而家都未好番, 食藥又傷胃又眼訓, 想點呀!!! 想玩到我幾時呀!! 晚晚身痕到訓唔到, 食藥第二日又好似神智不清咁, 唔食藥又番發, 都唔知可以點做, 好辛苦呀!!!!!!!!!