週末狂熱

收穫: 我既新Arena運動袋 (購自"運動家專門店", 仲有85折), 可以帶去跳舞用啦; 仲買左對Nike涼鞋俾大米 (購自Nike專門店, 仲有9折), 大米唔駛再著果對刮腳拖鞋出街啦!~

小米小廚: 番茄蘑菇雞絲意粉, 燒汁牛扒, 菜心

手信

Yeah!!! 哩個係大米係南京出trip既手信: 毛毛!! 歡迎你加入毛毛大家庭^^

婚禮進行曲

今日大米去左南京出job, 早幾日佢話想聽番我地結婚果時揀果d歌, 今晚我自己都拎番黎聽, 唔經唔覺我地都結左婚就快5個月啦, 日子真係過得好快, 尤其聽番d歌, 真係有番果晚擺酒既感覺, 好touching, 下次一定要同大米一齊聽多次先得 (希望佢有耐性聽哂啦^^)

我等著你回來

今日放工因為大米陪唔到我既關係, 我已經好好咁幫自己安排好節目: shopping + 煲電視劇!~ 行過Shatin新城市廣場好多shop都做緊獨家removal sale, 大晒金錢令自己開心之如, 最大既收穫就係佢:


"亞拉斯加"其實係我好耐好耐之前佢係Crabtree & Evelyn"出世"果時已經好想買架啦, 但係因為貴左d ($220), 所以一路都只係成日去"探"佢, 直到Christmas果時, 佢絕跡所有分店, 我果時都好後悔無買架, 點知俾我今日見到佢, 仲要有7折, Sale話係last one啦, 所以我立即打左佢返我哩個溫暖既polar bear大家庭啦!~~~ 好開心呀^^^^

"髮"力無邊

琴日放假去左Hair Do度做Hair Model, 可以免費剪頭髮! 果間Salon係日本人開既, 個個stylist都識講日文. 琴日去剪果時有一個stylist同一個大師傅跟我, 一開始就discuss下點樣剪, 舞左一大輪終於都由大師傅開齋, 之後stylist Tommy跟住, 如果有咩問題亞大師傅都會執番好, 全程要Nicam先知佢地想點, 都幾得意, 之後佢地個負責人都有同我傾計, 又係要搵Translator Jennifer翻譯先得~ 最近個頭都剪得幾OK, 仲令我想去電下wave換下image~

之後去係銅鑼灣度行, 去左Miss Sixty試左條牛仔褲 (個個都話Miss Sixty d 褲要好瘦既人先著到, 因為個cutting好slim好fit, 肥d都著唔到, 咁岩哩排跳舞對肥脾好似瘦左, 就大膽去試試啦^^), 試左兩條真係好fit好靚, 但個價錢仲靚呀~~ 好啦! 如果5月11日既presentation做得好就買黎做禮物啦^^ 最好有人送就仲好啦^^ 之後再去左糖街果度買左個艾爾公仔俾熊熊, 熊熊好開心呀!~

(熊熊vs艾爾)

感情的婚禮

今朝大米打電話去訂左周慧敏演唱會既飛 (5月27日星期六), 唔知到時會唔會見到佢"經典"再現呢? hehehe.....

遊"戲"人間

今朝大米一早起身返左公司做野, 我自己係屋企就一連睇左兩套戲: <<藝妓回憶錄>> 同 <<如果愛>> ; <<藝>>都幾好睇, 不過個ending有d差, 可能係cut左好多原著既關係, 入面個個主角, 衫同埋景都幾靚!~ <<如果愛>>就玩戲中戲中戲.... 同musical, 但係我覺得麻麻地, 有d悶, 可能係香港musical既開荒牛啦! 下次繼續努力!^^

之後去左同大米行灣仔銅鑼灣, 仲收到大米送既復活節禮物!~ hehehehe.... 雖然今晚好似無咩目的咁行街, 但係已經好lum好開心啦!~~~^^

內有愛犬

琴晚同班growth study team去左Tracy屋企燒烤, 佢屋企係元朗錦田, 俾我想像中近好多, 係荃灣入去都係around 20min, 不過地點比較偏僻d, 如果夜晚返去無人陪都幾驚!~ 我地去到prepare好哂d野開埋爐之後, 竟然落雨!!! 好彩佢個天台有一邊有逢, 咁我地就成20人係個唔夠200呎既逢入面燒野食, 我地就好開心啦, 但係Tracy兩隻狗狗就好慘啦, 聞到好香但係又凍又無得食又俾人困住..... 小白仲不時哀嗚......好彩我都燒左好多野俾佢地食, 又同佢地玩, 佢地先開心d!~ 不過我就不停要洗手囉^^

玩完返左屋企之後, 大米仲同我去左發記食糖水, 好sweet sweet呀!~ 我地好耐無去食糖水loo!~~ 不過大米好似好唔開心咁, 希望我地下次再去食既時間可以開心番啦^^

(左: 牧羊狗Lily; 右: 唐狗小白)

伊莎貝拉

多謝同事亞欣既換票証, 我同大米琴晚去左"天幕下的"戲院度睇伊莎貝拉, 套戲......umm......無咩message可言, 兩位主角又做得just OK, 係d音樂lor..... 好似好想玩王家衛feel咁, 不過可以同大米係戲院度睇戲已經好開心啦 (因為太耐無去loo), 希望大米都開心番d啦!! "那"處不容人, 自有容人處嘛!^^

甜蜜如軟糖

YEAH!!~~~ 大米終於買到係江湖上消失左好耐既"優之良品可樂樽軟糖"啦 (註: 係要有酸砂架!!!!), 因為太開心所以跳完舞無食dinner仲要臨訓前驚肥都要啪左幾粒!~ hehehehehehehe......... 太耐無食好好好好味!~~ 多謝大米俾我既驚喜^^

他約我去廸士尼

今朝收到Charles send俾我既Wedding photo, 相中果對新人都好鍾意Mickey & Minnie, 成班兄弟團都帶哂米奇耳仔同埋手手, 勁cute!! 不過大米一定唔肯啦, 一陣又話破壞佢形象啦!!! Hum! 佢地仲係Hong Kong Disneyland度擺酒, 果個場真係好靚呀, 全部都係紫色架!! 真係好鬼羨慕呀, 不過我都唔想再擺"第二次"酒, 好彩大米話結婚25週年記念 (2030年11月26日) 再去果度擺番慶祝!~hehehe.... 希望佢講過算數啦!~^^
(鳴謝Charles Cheung提供相片)

舞吧舞吧!

琴晚去左CCDC上第一堂Jazz, 勁攰!! 30分鐘既warm-up已經出左成身汗, 之後跳到最尾已經又無氣又無力啦!! 真係唔認老都唔得~ 不過同一堂有成20-30人上堂真係有d麻煩, 一來唔係好夠地方, 二來Miss唔能夠教得好detail, 因為大部分都係舊生, 睇黎我又要適應一排先上番turbo啦!~

睇到小白係日本番黎d相, 又有d miss我同大米既日本Honeymoon...... 希望大米快d好番可以陪我去玩啦!~

(攝於2005年11月29日東京Honeymoon之旅--大米&小米&大熊熊@台場coca cola博物館)

忟!!!!!!!

今朝一早返黎就收左個電話, 內容係有人through某人叫我幫佢拎個CB, 頂!!!! 一來我唔明點解果個人唔直接打電話叫我做, 要through個同我同grade既人order我, 二來點解果個某人唔叫佢自己打電話俾我同我講, 而係令人誤會佢有份幫手拎CB?? 野又唔做又走黎order我, 好鬼死黑人憎!!!!!

我地哩班打工仔......

恭喜大米今日interview勁過^^ 快d逃離安永地獄, 進入德勤既懷抱!!

今日又遇到d唔開心既事, 我都好想離開哩個地獄, 奈何我無處容身哩>< 本來諗住大米今日可以in完同我出去行下散心, 點知...... 唔好既事始終都係睇住我黎打...... 突然好想去剪下頭髮換下新形象沖喜下!

囍宴

岩岩既1/4我去左個婚禮, 今次童話故事既主人翁係我老細以前既M.Phil學生 (新郎) 同佢係HKU兒科既公主 (新娘子), 哩個係我婚後第一個參加既婚禮, 同我自己攪既好唔同, 佢地係間5星級酒店攪, 司儀們既Nicam對白 (好pro^^), 仲請左好多好有份量既嘉賓講"talk" (第一次去飲要熄電話^^), 現場音樂伴奏"莫札特效應" (個個唔敢大聲講野), "柔和"既燈光效果 (3個水晶吊燈全部休息一天, 黑到個個拎住d candle-light黎食魚驚有骨^^), 場內天花中間既"Disco擬似"轉轉閃閃球 (轉到好昏昏欲睡), 場面真係好grand好romantic (雖然我唔應同)!~ 尢幸waiter哥哥們 (定叔叔??) 不停係我身邊攪氣氛 (Venus話係我既"deep-V"效應^^), 先令我同Venus不致太悶至倒頭大睡 (我地果圍同前一圍已經出現...), 哩個真係一個難忘既婚禮^^ 再一次恭喜Hubert & Carol~^^慶幸我同大米老公攪左個"草根喜氣洋洋"既囍宴~~我愛老公^^

(Me, Katrina, Karen, Erik; 背景: Hubert & Carol)