愛情已死?

好耐無同大米開開心心咁去拍一日拖啦! 星期六悉心打扮過諗住同大米度過開心既一天, 點知...... 心情怪怪的

好多人都話拍拖耐左甚至結婚之後, 愛情會淡左落黎, 取而代之既係感情, 對方會視你為家人, 所以每樣拍拖時候覺得好珍貴好期待好驚喜既東西都會變成理所當然唔會再有反應, 所以佢已經同屋企人生活既壞習慣開始要你同化, 所以開始對你鬆懈..... 究竟係自己既吸引力減退, 或是人家反應遲鈍呢? 開始明白點解有人婚後會有第三者...... 當一方用盡心思攪surprise而另一方沿地踏步, 當一方開始技窮心灰意冷而另一方唔細心發覺, 當一方發覺有其他人對佢既surprise有回應而另一方繼續沿地踏步...... 這就是戀愛既墳墓?

Research Meeting 勁過~

哩幾日都要準備research meeting既presentation, 攪到無時間寫blog, 所以要一篇過寫番哩幾日既野.....

話說大米星期一又出征南京成個星期, 可觀地星期六晚可以凱旋回歸, 但係大米琴晚話亞Manager大把野要改, 可能星期六都返唔到..... 好想佢快d返黎同我慶祝research meeting勁過! 不過琴晚我都同左屋企人去帝苑酒店食母親節buffet飯, 當埋慶祝啦，雖然d食物種類唔多，不過都OK好味既，Daddy同細佬都好鍾意d牛扒同埋青口，仲食左好多轉tim!~ 不過我自己可能之前緊張present d野攪到個胃唔舒服，所以都食得唔多，但係可能太耐無一家人出街食飯，琴晚食得好開心，仲傾計傾左好耐tim!~^^ 雖然食左成$1600, 但都值既!~

今朝返工聽到Goldie係度呻同妹妹d野...... 原來唔只我一個覺得佢識用手段...... Goldie已經成為另一個受害者啦!~唉...... 我地都係騾仔，無得羨慕狗仔架啦...

8週年紀念禮物??

今日同大米去左觀塘睇中醫果時路過見到, 佢話當係禮物喎 (真係架?? 無其他啦??) ....... 真係無d誠意! 不過紅豆味好正, 好似食緊紅豆雪條咁架!~~^^

職業特工隊III

套戲...... OK啦! 叫做可以舒緩下我presentation既緊張心情..... 又開始緊張啦, 好煩!

紀念日

今日係我同大米拍拖既8週年紀念, 一早就收到佢send俾我既E-card, 雖然都仲唔係hard-copy同埋手寫一大段字...... 對於佢黎講總好過無啦!

"老婆,
可以一起散步
一起看星星
一起吃東西
就是幸福吧!
真的很愛你!
希望我們可以一直在一起!

8年前你的一個英明決定, 成就了我們的美好姻緣, 我愛你一生一世
老公"

好"戲"量