美麗新天地

"一個人越有能力, 越會遇到挫折, 因為這是上天給他的磨練, 就好像一塊玉石, 點解工匠要把它切完又切, 鑿完又鑿, 因為工匠知道, 這是優質既玉石, 將來一定有資格成為頂級翡翠"

今日係度諗, 究竟大米想轉工係因為真係自己想, 定係為左多d時間陪我驚我唔開心呢?? 希望唔係後者啦, 如果唔係我咪變左阻住佢既發展! 身邊好多朋友既老公都經歷緊/過哩個階段 -- 事業搏殺期! 老公成日唔係身邊既日子, 唔只係我一個人既經歷, 睇住佢地個個都可以順利過度, 而家過住幸福既生活, 希望大米都可以順順利利, 快d建立我地既美麗新天地, 你永遠都係小米既頂級翡翠!!!^^

我真的受傷了

病左...基本上每一次女人既生理週期都係最脆弱既時候, 包括心情同身體上, 一個體貼既男朋友/老公絕對可以係哩個時間搶分, 可惜世界上總有另一類, 不單唔關心唔問候唔照顧, 仲要雪上加霜一盤冷水照頭淋, "懶病"?? 真的嗎?? 我在他心目中真的如此不認真對待自己的工作嗎?? 生病時想找自己最想依靠的人呵護下是錯嗎?? 我真的過份依賴他嗎?? 忙是理由, 閒是錯嗎?? 換來既係cut線..... 一樣他最憎人家對他做既事, 今天他竟然對我做, 我真的那麼差嗎?? 我真的受傷了, 崩潰了...... 唔想再聽唔知好忙唔記得會改等等等等......"理由", 當尿尿污穢混亂AV脾氣粗心大意依舊存在時, 我還可以甚麼樣呢?? Carmen, 醒醒吧!

黃金週

經過7天既黃金假期, 又要返回現實面對工作啦!~ 哩幾日都算好好咁休息過, 不過遺憾既係大米陪我既時間唔多, 好彩佢一早已經細心地download左好多戲同埋劇集俾我勁煲, 如果唔係7日都係屋企又無老公陪都幾難過....

哩幾日除左KO左17集既愛情魔髮師 (又黎183 club), 開始左美麗新世界 (無線劇集：張智霖，楊恭如，范冰冰), 仲返多左20D食飯 (一來可以探下daddy mammy, 二來．．．．懶!!), 又apply左份衛生署既research officer (志在參與, 哩d正野從來唔輪到我), 收到大米送既勁過禮物: Nokia 6280３G電話^^(雖然只係加左$780就trade到, 但係好過無啦, 仲可以同大米玩視像通話^^), 報左兩個CCDC既courses (一個係繼續返既修身舞, 另一個都係Jazz, 不過轉左另一個tutor), 最後仲剪左個靚髮 (整左５個鐘, 又treatment又負離子又剪又駁髮仲送多３次焗油, 駛左$860, 不過真係好正, 琴晚去跳舞完全唔駛梳, 洗完頭訓醒都仲好靚, 我鍾意佢好易打理&最重要係我返到屋企可以reproducible, 唔好似之前咁整完好靚但我返到屋企又整唔返走哂樣^^)

琴晚訓訓下大米返黎 (果時２點啦), 聽到佢話決定再轉工, 又拿拿聲見佢打application letter到４點半, 真係"登"佢辛苦, 唯有頂住眼訓都聽下佢呻, 因為我又幫唔到佢, 就只係可以聽下佢講發洩下!~ 希望佢快d轉到工無咁辛苦啦!~ 哩個犯太歲狗年真係難過......