新生活@50G

星期六, 7月 29, 2006

Bonus?

經過4次既減薪行動, 大學回水 $7487.16!! 應該開心因為拎番屬於自己既人工, 定係憤怒大學係政府無減budget既情況下減左我地既5%, 5%, 3%再3%......而家只係回番一個月人工既50%?? 哩50%係掩口費, 叫我地唔好再嘈? 定係"小小"心意??

星期四, 7月 27, 2006

離心力

不名來歷既情緒又黎影響小米......係走, 定係留??

先先係Human ES既project不翼而飛, 有conference唔叫你去, 咩都力撐佢有咩事都第一時間諗起佢, 再黎一個"二人世界"套餐, d job開始飛哂埋去, 再加一句"e, 原來你仲係度呀?"...... 咁我仲留係度做咩呢?? 3月尾就完成既contract, 應該早d完成佢去搵第二度從新開始, 定係等到3月尾完contract拎埋份contract-end merit先走?? 我仲頂唔頂得順??

星期二, 7月 25, 2006

新菜色

去書展買左兩本烹飪書, 咁就practise下啦:

肉碎茄子 (第一次整, 好好味, 送飯一流)
度小月炒通菜 (好"野"味, 不過今次整鹹左小小)

星期一, 7月 24, 2006

大米小米黃金週

因為大米轉工既關係, 大米同小米可以有一個extra既黃金週假期 (17/7 - 23/7), 哩個假期真係又驚又喜......

Audrey 同 Andrew既愛情結晶品終於出左世啦, 佢係BB女叫Beatrix!~ 好可愛呀~~~~ 唔知幾時先有我同大米既愛情結晶品面世呢??


星期三我同大米趁書展開鑼我地就去左行下, 點知大米買左成套新修版金庸返黎, 拎到死死下仲要鈕親隻腳變豬蹄!! 好痛呀!! 仲要成個人跌落地, 好彩無整親其他地方咋 ~>_<~ 星期四朝中起身, 死啦, 隻腳痛到落唔到床, 點算呢?? 俾哂錢無理由唔去架.... 終於我地行下行下行番鬆隻腳, 之後我地就搭的士出發去中港城碼頭, 去到都係7:30a.m., 我地拿拿臨去左間餐廳食早餐, 之後會合好多(無聊)野講既領隊搭船 (8:30a.m.) 去珠海斗門港啦. 訓下訓下已經到左碼頭 (10:45a.m.), 斗門港碼頭好鬼簡陋, 好彩我地好快已經過哂關攪掂哂上車, 今次我地有兩個導遊 (亞榮 & 霍小姐), 佢地......好彩我地去d地方都唔駛點需要導遊, 如果唔係一定爆哂粗!!! 12:00p.m.我地第一個行程就係食lunch: 益利大酒樓食斗門風味宴, d野食都OK喎! 之後我地就去左恆豐賽車場同奇趣釣蝦場玩, 因為小米隻豬蹄既關係, 唯有玩d兩人車, 掃左大米興真係唔好意思啦~ 之後玩釣龍蝦仔, 我好快就放棄左, 因為見到d蝦咁好似唔係好開心......之後我就轉移左目標......去玩狗啦!! hahahaha...... 衰人大米係咁亂幫佢改名, 咩"大笨""熊熊", 由於狗狗太悶既關係, 佢一律照單全收 ~>_<~ 之後大米食完鹽焗龍蝦仔同豆漿就出發去海泉灣酒店啦!~ 去到海泉灣酒店, 我地都覺得哩度既design好似Bellagio好有親切感哩!~ 周圍雖然好晒, 但好靚好relax!~ 我地今次入住既係海泉灣天王星酒店, 聽講係靚過另一間海王星既 (雖然我地無去証明), 真係好靚同埋好high-tech呀!! 我地入左房放低野 (同埋由於酒店方面好多收費既項目, 我地要幫間房徹底check下有冇問題), 已經唔係好捨得返出去啦!~ 間房同washroom中間有隻門, 可以"偷睇"人地bathing架 (eeee.....) 同埋最正都係個露台, 好relax呀!!! 不過太晒我都唔敢點行出去哩!~ 我諗凍d會好舒服^^ 放低行李之後我地就去左神秘島, 果度係玩機動遊戲既, 不過..... 都係果句: 太晒太熱啦!!!! 我地草草玩左個踫踫車就返酒店小睡片刻啦!!^^ 6:30p.m.我地就去左酒店既四海軒食dinner, d野又OK好食喎, 同埋間酒樓既decoration都好講究 (d食具全部都好靚). 食完飯之後我地就去左行下酒店周圍, 同埋去左漁人碼頭影相, 周圍都好靚呀, 同埋果度既夜景都好good! 8:00p.m.我地就去左劇院睇歌舞劇, 叫海邊的夢, 聽個名好似好Leung咁, 其實又好OK喎, 佢係dance + muscial + 集技既表演, 好多setting好多高難度表演, 同埋我地坐果度係可以360轉架, $120真係好抵睇!! 值得推介!! 9:30p.m.睇完表演我地就返左酒店換泳裝去浸溫泉 (working hour: 9:00a.m. - 1:30a.m.). 原本我無諗住浸架, 後尾覺得果度既衛生環境都幾好, 所以又去玩下啦!! 果度俾我既感覺係好似pool-side party, 一個個"泳池"又有池伴燒烤又有晒太陽既地方, 感覺好好! 佢仲有d一冷一熱池同做水力massage既地方, 大米玩到樂而忘返啦!!^^ 11:30p.m.我地就去左做中式body massage啦, 第一次出去俾人massage..... 都係Daddy massage得好d!!! 果晚我地玩到人地收工先走...返到酒店房沖埋涼已經2:30a.m.啦!!! 第二日我地8:00a.m. morning call, 8:30a.m.到達酒店既賽維雅餐廳食西式自助早餐 (working hour: 7:30a.m. - 10:00a.m.), 唔知係人太多定地方太細既關係, 竟然要係門口等位! d野食......so so啦! 都無咩expectation亦無咩surprise. 食完之後我地再上房訓左一陣 (其他團友有d去左再浸多次溫泉, 但我地琴晚玩得太夜啦....所以...hehe..), 之後11:30a.m.收拾好行李就去大堂check-out啦!~ Check-out左成45min之後我地就出發去食lunch (真係名副其實飲飲食食舒服團!!), 間酒樓叫益利大酒樓, 野食麻麻環境麻麻.....好彩早餐食得夠飽! 因為要趕去睇2:00p.m.果場木偶戲既關係, 我地拿拿臨食完就走 (果時已經1:55p.m.!!)..... 哩度真係安排得唔好, 一係就鬼咁多free time, 一係就咁趕, 好彩已經係最後一個節目姐! 木偶戲......麻麻......自費既咩冰糖咩零角.....更加麻麻...... 快手睇完就上車去斗門港搭4:30p.m.班船返香港, 兩日既行程劃上句號啦! 點知, 大米為小米準備左個特別行程: 佐敦聖地牙哥酒店Macro's餐廳食無燭光但有自彈自唱歌手加插cable TV news & 周圍勁傾計聲既dinner! hahaha.... 其實所有野唔係好match咁, 不過大米都同小米唱左幾句歌咁啦!~ sweet sweet~~ 野食方面大米既鵝肝牛扒set dinner就得到好高既評價, 而小米既皇牌海鮮炒飯......其實佢用料好新鮮, 飯亦炒得夠乾身, 不過因為小米唔食得辣, 所以就一口飯一口水, 都食得幾辛苦!~ 好彩有四式甜品補番數姐!~^^



兩日旅行+浪漫又嘈雜晚餐既相: http://photos.yahoo.com/chuencarmen

星期一, 7月 17, 2006

220606

今日係小米既舊曆生日, 大米竟然記得, 仲帶左我去青衣城意粉屋度食dinner, 食左小米鍾意既龍蝦套餐, 好開心呀!! 哩個耳環架都係大米送架, 我要將大米送既耳環擺滿哂佢跟住叫大米再送多個^^



星期六, 7月 15, 2006

內有愛犬

係愛護動物協會SPCA助養左隻小狗--Wilson!
今晚同大米去左Mr Steak Cafe食勁過dinner buffet! 今次係我地第二次食buffet, 大米覺得d牛扒幾正, 好彩都有好多其他野岩小米食咋!~ ^^ 等小米又發掘多d新地方同大米二人世界先!~^^

星期日, 7月 09, 2006

感動

星期五lunch攪左個Dr Chik既歡送會, 佢將會自己開擋啦!~ Congratulations!! 咁Venus就可以走得好安心, 又一個可以好好咁離開哩度......唉, 點解好野永遠唔輪到我呢 ~><~ 星期六去左Poon Lab Raymond既婚禮, 我咁大個女第一次睇church既婚禮咋, 真係好感動架原來, 同睇電視好唔同, 當"結婚進行曲"奏起既時候, 真係眼濕濕...... 好彩無減出黎咋, 如果唔係實俾Wins同Sa姐笑都似^^ 見到Anita既闊太look, Sa姐同Wins又可以自由自在咁做自己想做既野, 仲要係開心架喎.....不其然>< 終於government lab都請人啦!!!!! 好緊張, 因為其實入government lab做係我自小既心願, 所以我當初先會揀讀Science stream --> Bio group --> Biochemistry! 雖然今次唔係法証果邊請, 我都想拎個experience啦! 不過......唉, 都係果句, 好野永遠唔輪到我, 睇下點!~

為左迎接世界盃既冠軍戰意大利vs法國, 我已經換好左Mickey football系列既床上用品啦!!!!!!^^

星期四, 7月 06, 2006

Summary

好耐無寫blog啦, 一次過summarize哩排攪左d 咩:

15/6 (Thu): 去左大角咀明星海鮮酒家食Happy Father's Day飯, 好抵食^^

17/6 (Sat): 去左九龍灣明星海鮮酒家食James Daddy既Father's Day飯, 好貴, 好在唔駛我俾XPP

21/6 (Wed): 去左沙田新城市Fish and Co同亞Kwai食飯, 明白咩叫家家有本難念的經, 表面上亞Kwai好幸福, 有個好錫佢既有錢老公又有對乖仔女自己又叻又有事業, 不過佢就要suffer個惡奶奶, 如果係我, 我會揀而家咁定好似好咁呢?? 果晚餐飯好enjoy, 真係好鍾意同佢同Venus傾計食飯哩^^

25/6 (Sun): 去左同我Daddy Mammy & Brothers去左深水涉食大排檔, 估唔到佢地個個都無話地方唔好, 仲食得好開心^^

27/6 (Tue): 去左睇骨科......好痛>< 點解病都無粥仔食 >_<~~ 自己整左炒烏冬, 幾成功, 如果下次加埋洋蔥同肉, 應該仲正!~ XXDDD

30/6 (Fri): 去左會展聽新城娛樂台攪既Kelly Spirit演唱會......OK啦......

5/7 (Wed): 整左葡國雞飯支持葡萄牙, 點知...... ~>_<~ 憎死法國!