亞貓地攤@深井

開左成個月, 終於有機會去試試啦!!

環境: 深井既小舖總俾人relax既感覺, 佢地加埋d 貓貓decoration同埋一d古董式既精品, 想形造一個cafe既feel, 但係個廚房出賣左佢啦~~ 佢同大部分既深井食店一樣, 都分左室內同室外, 我地大米都坐左室內, 因為果度先有貓貓, 而大部分人都坐室外, 可能驚d貓影響d食物啦, 不過黎得亞貓地攤唔玩貓好似有d怪喎..... 室內果度既位就唔係好多, 貓都唔係好多, 得3隻, 仲有一隻係長期哩埋左..... 另外兩隻就一隻好奇d, 一隻又係成日哩埋既...... 好彩因為大米隻腳..... hahaha..... 佢地先"聚首一堂"!! 我諗同銅鑼灣果間有d唔同, 因為人地話果邊好多貓, 同埋d貓都會主動approach d 人, 不過原來哩間係"特約", 所以d style一定有分別架啦

食物: 麻麻, 真係好麻麻....如果唔係貓貓我諗我都唔會試

服務: umm...... OK啦, 落order等左成20分鐘先話無雞扒...仲要間舖唔full既.... 都"忙"成咁....無野講~ 同埋d waiters好似唔係好active & friendly, 營造唔到想有既氣氛

總結: 如果係深井想企得住腳, 一定要係價錢著手!! 而家好似兩頭唔到岸咁..... 又貴又唔討好~

同學各位, 找個位, 這是你的開學禮!

攪左一輪, 由掙扎報名, 到得通知結果, 再趕頭趕命搭的士交學費......等左成個暑假終於都開學啦! 我哩個Higher Certificate of Medical Laboratory Science既course一星期要返三晚, 其實真係幾辛苦, 因為我要由威爾斯去瑪麗, 仲要6:30p.m.前到, 仲要無飯食..... 當然如果我搵到份工係HKU做就方便好多啦! 不過機會唔係除時都有......唉, 我哩個地獄黑仔王就係要認命! 希望而家辛苦d, 遲d可以有回報啦!

琴晚去上第一堂, 成班有成around 40人, instructor都話今年係最多學生既一年, 可能個個都為左前途而戰啦! 佢都話個course會好harsh, 因為個course成功完成既就可以registrate MLT board part II, 哩個係一個professional既qualification, 所以佢要d學生既qualification到standard先得~ 佢話年年為左保住個standard, 都會有d學生fail, 不過上年就all pass, 希望我都過到啦!!

上上下堂, 我發覺自己真係太耐無讀書啦, 要花好幾倍精神先可以集中, 好彩d 野多數我都以前學過, 要pick-up番應該OK既! 加油呀!!!!!

蔡依林唯舞獨尊演唱會

剛剛看完尾場, 簡直無得頂!我諗都無乜邊個香港女歌手既演唱會可以好睇過JOLIN!無論唱歌DANCING都好正,絕對無悶場, 雖然大部份既歌我都唔識, 不過快歌果時睇佢跳舞 (最勁係差不多全晚都係穿高跟鞋跳, 令成個人好有美感, 不過原來佢跳舞跳到連續幾日腳趾流血!!), 慢歌果時睇字幕同佢唱得好投入好有感情 (唔知同佢個ex Jay有冇關??) 全場都好HIGH!小豬都好勁,燕姿既歌聲真係好動聽!

1.成晚rundown都好流暢~~~一d 悶gap都冇.....d舞好好睇....睇得出jolin like玩...repeated式舞蹈動作~~~讓人感覺看得好齊....我覺得跳群舞最首要就係要「齊」!!唔駛一定要跳好d難的動作~同埋要照顧到4面台的人..但又想4面都看到佢的舞蹈~repeated式的舞蹈真係好適合呢...so我見到好多時佢的舞都好重覆性....但我buy佢!~

2.我覺得今次佢搵d其他有名的排舞師幫佢排舞.係正確~香港人睇得多..Highking...Chris..Sunny...依D友排舞.....睇得多...都容易睇到佢地排的Pattern...feel呢.....我都睇到冇新意了...今日總算有新野俾我睇到呢.....真好!!!當然jolin同dancer又跳得好呢...

3. 今場的間場好少係睇片時間~~換轉係joey..就已經播左N咁多野俾你睇了..佢就以dancer做間場....整左段track俾dancer...逐人介紹佢地的名....佢地的相....跟住就分group跳番一part舞....我覺得如果我係佢的dancer..我會好興奮~咁多年..dancer頂哂都係係場刊寫佢地的名..就冇了...今日可以係screen真正看到佢地的名同個人跳了一part舞...好滿足!!!係滿足!~感到有尊重的感覺!~跳舞時都係落力些!

4. keep住成場都有歌詞字幕打.....讓我地可以睇歌詞內容呢..好周到ga!~ (可能因為我真係好唔熟佢d歌同埋仲要國語既關係)

5. 今日有小豬,yanzi做嘉賓~~~GOOD! 估唔到小豬都跳得咁勁!!! 一路都以為佢係果d偶像派, 原來都有料到!! 雖然佢就真係唱得麻麻.... Yanzi把聲好正好好聽~

6. Jolin跳舞好得~身體超柔軟~~~~

7. 香港的歌手真係要反省一下呢.....不過我都覺得佢地都想做好d..可惜..佢地太忙了....好似jolin呀..佢可以用3個月都準備開演唱會.....twins...一定已經唔可以!~又要拍戲...又要拍廣告...etc..唔似得台灣個邊...多數都係唱就係唱歌...演戲就係演戲..唔駛0羊都關佢事的。希望香港想有好d質素的話....就真係俾多d時間係一方面的地方發展~~~這樣成績一定會更進步!~

8. 話事話..今日jolin去到咁盡....真係好盡...將來有機會再開話..要超越依個演唱會...真係要落多d苦功了.....coz實在太冇0羊好挑剔了.....

9. 我最喜歡係頭段個吊環升落黎個陣 , 真係好精彩呀 ,之後就唱"mr"個段 , jolin跳得超型 , 跟住到唱"野蠻遊戲"個陣 , 叫全場觀察企起身一齊跳 , 我都跟住跳埋一份 , high到爆呀! 我估坐前面ga觀眾仲正呀! 到最後, 唱舞孃簡真將全部觀眾推入最高峄呀! 之後 , jolin寫了一封信 , 讀出自己ga心聲 , 真係令我好感動呀! 因為jolin排練個陣真係好辛苦 。成個show我會被90分 , 美中不足係我覺得d歌衫 , 好似普通左d。如果之後jolin會開 , 我一定會再睇呀!^^