My friend Goldie

上星期六我同事Goldie俾滾水整親, 攪到second-degree burn!! 星期一我同Dr So陪左佢入Burns Unit!! 見到佢真係有d想喊出黎!!! 因為知道佢傷口真係好痛, 仲要係醫院既人為失誤做成既.... 好彩佢排到時間今日可以做skin transplant, 希望佢既痛苦可以快d得到release!!! 快d好番啦~~

1st Anniversary

大米老公,

舊年既11月26日, 我地踏入左人生既另一個階段, 正式成為夫妻啦!! 時間過得好快, 已經嫁左俾你一年啦, 哩一年有開心有唔開心; 開心既係你結左婚之後都一樣咁鍚我, 仲俾以前更好! 雖然你既工作好忙, 今年又有好多煩惱同轉變, 你都時時刻刻照顧住我, 一有時間就諗下陪我去旅行去散心, 我真係好開心, 因為今年我地大家都有各自既野煩, 有時我發脾氣你都由得我, 我抑鬱症發作你又想辦法令我開心d, 真係好多謝你!~ 另一方面, 自從我地真真正正一齊生活之後, 我發覺我地既生活方式真係好唔同, 簡直係兩個極端!! 令到我地好多時都有argue, 令我成日都好易發脾氣!! 我都知道你已經好努力去改善, 希望我地既距離越來越近, 等我唔駛咁辛苦啦!~

今年我地從回舊地, 去返牡丹庭度飲Anson果餐, 去返果度真係好感觸~ 果晚我成日都諗番, 哩個鐘數果個鐘數我地係度做緊咩哩.... 唔知你有無同一個感受呢? 有時我睇番我地d結婚相, 仲係好記憶猶新, 仲好享受果日同你結婚既每一個細節..... 希望我地好多好多年之後都一樣啦!

大米, 我永遠都愛你~~

小米

Police Dog Unit (PDU)

成晚都起身肚痾唔夠訓, 好彩最後都6:30a.m.起到身整妝出發!!

8:10a.m. 我地到左尖沙咀半島酒店後面既starbucks, 原來成車人等我地....oh sorry sorry!!~~

差不多一個鐘頭既"雪櫃"車程, 我地一行38人終於都到達沙嶺既警犬訓練學校啦!! 果度近住邊界, 所以出入都要登記個人資料, 唔係個個都入得架! 所以今次有機會去真係好興奮!~~~

Standard野, 又係有d introduction同埋帶我地繞場一周啦 (main building, 動物醫院, 跑道, 狗狗既屋企, 運動場, 訓練場等等)~~ 果度環境真係好relax呀! 真係似公園多過似學校囉~ 同埋狗狗住既地方都有好好既照顧&優良設置! 果度既狗狗其實真係好好彩架啦~ 周圍行完之後, 佢地安排左個搜索犬既表演俾我地睇, 表演既都仲係學師狗狗, 未係好定性, 仲好鍾意同人玩, 希望佢地玩完之後唔會俾亞Sir罰啦~ 表演完就係大合照時間, 當然係我最期待既節目啦!!!! hahahahaha...... 我周圍去同埋d狗狗影相同玩呀~~~~ 如果我可以有自己隻狗狗就好啦!!! 影完相, 我地就懷住唔捨得既心情離開, 走果時見到有人領養其中一隻退役警犬, 見到個領犬員好唔捨得佢呀 (仲眼紅紅tim, 差d我都..... 所以唔敢再望佢), 希望狗狗有個開心既"退休"生活啦~

1:00p.m. 我地原車返去尖沙咀Starbucks...... 仲去左澳門茶餐廳食lunch~^^

想點??

人地做唔到係我既問題?
人地教錯我我做唔到又係我既問題?
去左幫你做野你搵唔到我仲係我既問題?
我有問題搵你解決又係我既問題?
你俾人吹交野又係我既問題?

摩斯倫‧馬賽

經過個幾月既申請, 面試, 失敗, 又申請, 再面試, 又空歡喜, 大米最後都塵埃落定啦!! 恭喜大米可以搵番自己鍾意做既工, 多番d work challenging+時間+金錢! 希望大米真係犯完太歲, 一路順順利利啦!

至於我自己......唉~~~~~