Merry Christmas, Worry Christmas

今年平安夜, 我同大米去左朗豪坊13樓既Mr Steak Cafe度食candle-light dinner, 野食就麻麻啦, 氣氛就...都麻麻, 因為周圍太多人行黎行去好嘈, 可能坐入面會好d! d service...就真係唔得啦!!! 大米張椅明明係壞既, 同我地講無得換, 仲要扼我話係Design!! Crazy!! 咩Designer會design d 咁既爛椅呀!! 可能佢見我面黑黑, 所以都即刻換過張俾大米 (岩岩又話無得換...), 不過哩間野, 以哩個價錢, 一定無下次囉~

(惡人谷谷主)

今年既聖誕節, 大米陪左我同屋企人返左佛山探入左醫院既嫲嫲, 同埋探左岩岩生左BB女既表哥表嫂!! 一老一嫩, 真係好感慨! 生老病死又一個cycle.... 希望嫲嫲快d出院啦~~

大米送既聖誕禮物: Titus 手錶
我送俾大米既聖誕禮物: 親手織既頸巾 (幾有心思^^)

2006 Paed. Christmas Party

我既禮物:
1) 軟尺 (交換禮物from Kathy)
2) 脂肪磅 (壓軸大抽獎, 由Biogene送出既大獎)

今年無左Goldie係度, 變左無人影相.....

日日考試身體好~

上星期六 (18/12) 去左考政府既綜合招聘考試, 因為而家好多政府工都要哩個qualification, 所以為免好似上次咁無考到但又有筍工出advertisement, 我都係乖乖地去考啦!

"綜合招聘考試包括三張各為一小時的選擇題形式的試卷，分別為英文運用、中文運用和能力傾向測試，目的是評核考生的英、中語文能力及推理能力。由2006年12月舉行的綜合招聘考試始，能力傾向測試的考生成績仍分及格或不及格，而英文運用及中文運用試卷的成績則會分為「二級」、「一級」或「不及格」，並以「二級」為最高等級。英文運用及中文運用試卷的「二級」及「一級」成績和能力傾向測試的及格成績將永久有效。"

原本我可以唔駛考中英文架, 不過諗住大米要考, 所以諗住陪佢考有個伴, 點知我地既試場竟然唔同!!! 激死!!! 我係蘇屋既祟正中學, 大米係石硤美既瑪利諾神父教會學校, 點解報同一個地址都可以派到相差咁遠既學校考架!! 正當我煩緊中間break果時點算, 點知我就見到我中學同學梁有慧!!~~ Yeah! 佢而家做緊旅行社既marketing, 因為佢覺得太忙想轉工, 所以就想試下報政府工囉~

考完第一份apptitude test, haha.... 岩岩calculate左尾二果條既答案就times-up! 頂!!! 好彩原來中文都係用番同一張answer sheet, 咁我就可以劃番個答案, 不過最尾果條就要估囉~~ 中文同英文我都有時間剩, 仲可以睇多次果兩篇閱讀理解tim~ 我覺得都有d難度, 因為有好多hidden-meaning既! Anyway, 中英文fail左我都唔驚既, 因為我已經qualified啦嘛~ hahaha....

岩岩考完人生得一個hematology既practical examination! 真係嗎嗎聲!!!! 都唔知係我太耐無考d要寫咁多字既試, 定係跟本就唔夠時間.....2.5 hours要做3個staining, stain 8塊slides, 睇兩張片既cell morphology, differential count仲要comment佢有咩病, 最後仲有5個spot test! 頂!! 又話open book, 點知spot test果度唔俾帶material, 又唔一早講, 就算我識都變左串錯哂d字!!!!!! 激死人啦!! 成日exam好似打仗咁, 書都揭唔切!! 好慘呀~~~~~~~

天幕下的餐廳

今晚約左一班大學老死食飯, 地點揀左旺角, 因為Jason話平d喎! haha... 正合我心意!! 原本佢地plan左去Pizza Hut既, 不過我話旺角既Pizza Hut又要等位又多人, 對於我地既準媽咪Angel好似唔係好適合, 同埋Pizza Hut一定唔可以俾我地坐得耐傾計啦! 所以最後就去左朗豪坊11樓既SUZUKI Tokyo Café. To my surprised, 原來星期日朗豪坊上面d食店咁靜, 唔駛等位之餘仲唔係好多人....好適合我地講私人野啦!!! hahahaha..... 我地order左兩個南瓜既焗飯/ 意粉 (原來我同Angel都鍾意食南瓜), 唔知咩牛肉pizza同埋焗飯 (因為我唔食牛, 所以無咩留意), 一個Salad, 同埋一個白汁雞焗飯~ 哩d當然唔係主菜啦~~ hehehehe.....

一開始Jason已經俾人圍攻啦, 問既當然係佢同German既新聞! hahaha..... 同埋原來佢有計畫想去法國做postdor!!!! 唉!!! 咁多個裡面得我無試過長時間去外國生活咋!!! 真係好鬼羨慕!! 佢仲話如果申請到grant, 就可以帶埋German過去, 佢可以做佢背後既小奶奶啦!!~~ 所以可能我地既gathering又小左個忠實fans啦!

Sa姐就竟然參加左個"table for 40"既party! 佢話覺得應該會幾好玩, 同埋又有friend一齊喎, 希望佢唔係俾人玩啦~~

Wins話今年Christmas放大假, 可能去歐洲旅行, 但係又未confirm機位, 又未知會同邊個去.....唉~~ 希望Wins快d settle down自己既感情生活啦~

準媽咪Angel今晚大傷風呀!! 又唔敢亂食成藥, 驚影響到金豬BB~~ 見佢咁真係辛苦哂~~ 佢仲講左好多懷孕既野俾我地聽, 仲打算4月尾去浸會醫院開刀生金豬BB~~ 佢叫我快d一齊生, 話第時可以帶埋BB出黎gathering有個伴喎~~ hahaha..... 不過我心理上仲未ready要個BB, 我覺得照顧BB係一件好困身又要好細心好有耐性既事.... 對於仲係好想周圍去玩既我....真係諗起都覺得頭痛~~~

羅兵咸~永道

大米今日終於終於final confirmed仲上去簽埋contract啦!!!!!! 順順利利!!!!!!! 唔好再有d唔如意既事發生啦!!!!^^

至於我自己.......依然無人問津......孤兒仔......好運幾時先黎我度坐下呀?????!!!!

台北之旅2006

2/12/2006 星期六 (陰天)
6:00a.m. 起身啦大米!!
6:45a.m. 50G出發
7:15a.m. Taxi to 香港國際機場 ==> 港龍counter報到 (好順利!)
7:45-8:00a.m. 大家樂早餐 (好趕呀!! 第一次咁樣食早餐)
8:45 a.m. 衝上雲霄 KA486
10:00a.m. 到達台北桃園機場terminal 2 ==> 落地簽証 (攪錯呀, 又要換左台幣先得!!)
10:40a.m. 國光 to 台北車站 (小寶寶時間又黎啦!)
11:30a.m. 到達天成大飯店 (大米又要小寶寶啦!!)
12:45p.m. 整妝出發!!
1:30p.m. Lunch@嘉義雞肉飯魯肉飯 (大米話d魯肉飯好好味!!)
2:40p.m. 淡水 (行呀行, 行呀行, 頂唔順, 都係要搭車!! 俾我發現到"可樂城".....個牌!!! 果度已經改頭換面啦.....失望! 漁人碼頭幾靚, 不過今日陰天, 睇唔到日落, 又失望)
5:00p.m. 離開淡水 ==> 士林汪汪喵喵館 (大米買左個手袋俾小米^^)
7:00p.m. 劍潭站錶面張力 (今次掃貨掃得好唔暢快呀!!!! 不過亞老闆話而家馬來西亞同北京上海最多可樂野賣, so.... our next trips... hehehehehe) + 士林夜市食食食 (一級棒牛排, 官材板) + 行街街 (好似無咩特別野睇喎)
8:30p.m. 西門町周圍行下 (大米唔舒服呀 ~>_<~) 10:30p.m. 返酒店休息 11:30p.m. 大寶寶時間

3/12/2006 星期日 (陰天)
8:30a.m. 起身
9:00a.m. 落酒店餐廳食早餐 (package包左架, 唔好哂)
10:00a.m. 大米提議......再訓多陣^^
12:15p.m. 整妝出發 (琴日行得太攰啦.....)
12:45p.m. 忠孝敦化站度小月食lunch (小米睇中左隔離舖頭對白色boot, 但係大米....掛住買手信俾.....)
1:30p.m. 行左一陣先發覺......原來果度d舖頭多數都未開 (頂, 成兩點架啦喎!), 而又知道附近有免費車 (京華城生活巴士) 去京華城, 所以我地就決定去左京華城先; 去到扁扁既出身地, 我立即搭觀光lift上10/F想去番果間可樂熊shop..... 架lift去到咁上下, 我已經發覺有問題, 因為最上果幾層好似裝修過....唔同哂..... 而間可樂熊shop.....亦已經成為歷史!!! 好失望呀!!!!!!!!!!! 我咁想去台灣旅行既最大原因都係因為d可樂熊.....而家咁多shop都closed, 再黎都無意義啦!! 既然都黎到, 我地就行埋其他百貨公司啦, 哩次到大米出手啦!^^ 好彩大米知小米兩手空空, 就送左對水晶星星耳環俾我~~^^ 今次我地醒啦, 帶埋passport黎攪退稅手續!!
3:45p.m. 離開京華城 (京華城生活巴士) --> 忠孝敦化站; 行埋今朝未開既舖頭....都特別既, 不過太貴唔值, 所以齋行only~ 行行下.....發現左"小熊森林"呀!!!!! 上次就係因為行錯路搵唔到所以先去左京華城, 今次誤打誤撞又遇到~ hahaha.... 我同d熊都幾有緣喎^^
5:00p.m. 出發去101大樓商圈; 嘩!!!!! 果度好多百貨公司, 同埋名店!! 大米哩d有錢人又開始發功啦!!!! 可憐既小米.....入左好多名店睇, 得過睇字! 其實我都好想......不過.....算擺啦~ 經過大米既一輪大手掃貨之後, 我地就去左其中一座新光三越既food court度食dinner~ 之後行埋誠品旗艦店 (其實主要係大米想坐下休息下, 因為大米你真係太多收穫啦!)
9:15p.m. 出發返酒店
10:00p.m. 小米返酒店沖涼休息, 大米去左隔離大廈massage soft soft!
11:45p.m. 大米soft完畢!!

4/12/2006 星期一
8:30a.m. 起身
9:00a.m. 落酒店餐廳食早餐 (下次都係唔要早餐 package, 唔駛要早起身落去食, 限時限刻, 又無咩特別野食....突然好掛住日本Century Southern Tower既早餐呀!!!!!!)
10:00a.m. hehe..... 同琴日一樣
12:00p.m. Pack好哂行李, check-out, 寄存左行李去reception, 我地又出發啦~ (因為大米太多收穫啦, 用哂d台幣, 所以今日第一件事就係去銀行唱台幣)
12:30p.m. 忠孝新生站光華商場; 因為之前一場大火, 而家搬左去後面, 都易搵既, 同埋感覺乾淨左~ 不過都係睇下.....無咩野買到, 好多香港仲新仲平tim~
1:30p.m. 行路去到袖珍博物館; 哩度上次已經想去架啦, 今次見有時間就去埋, 點知.......原來星期一唔開架!!! 激死我啦!!!!!!
1:50p.m. 搭的士去到永康街鼎泰豐食lunch
2:20p.m. 食完野, 就沿住永康街行下 (大米買左個毛毛不倒翁俾小米) ....去左卡拉貓 (大米送左個八達通套俾小米)..... 諗住行番去街口間書局行下.... 就發覺有間好唔起眼既玩具店, 仲俾我發現到一套我從未見過既日版可樂熊figure公仔! 因為我真係唔捨得唔買 (真係未見過嘛~), 所以大米又出手啦^^ 之後仲去左冰館度食冰同埋行埋街口間書局
3:45p.m. 離開永康街搭巴士去台北車站
4:15p.m. 見仲有時間, 我地又去左三越度行下啦, 點知....hehehe.....小米又睇中對白色boot啦, 仲係50% off tim..... 又fit又好睇, 價錢又OK..... 咁仲走得出小米既五指山?! 俾錢既時候發覺再買多小小野就可以退稅.... 咁大米就好就手咁買多左個tie夾 (d有錢人係咁架啦), 之後我地仲發覺原來係三越唱台幣係最抵架!!!!
4:50p.m. 同大米一齊去左琴晚佢去果間massage shop度做腳底按摩! d technician真係好犀利呀!! 佢地唔係按得好大力, 但已經令到有問題既位置痛, 仲知道係咩問題, 好pro呀!! 可惜錢同時間都有限, 如果唔係可以試過全身按摩~~
5:40p.m. 離開massage shop返酒店拎番d行李
5:50p.m. 國光 ==> 台北桃園機場terminal 2
7:00p.m. 到機場, 辦退稅手續同港龍counter check-in; 第一次搭港龍機就delay!! 頂!! 呆等!! 等等下去左食麵, 但......麻麻地~
9:10p.m. 終於起飛啦, byebye 台北!!! (KA483)
10:35p.m. 到達香港國際機場
11:30p.m. 搭的士返50G
12:00p.m. 台北之旅2006終於曲終人散啦~~~