算把啦......

今日同Kathy & Venus傾番interview既妙問妙答既時候, 竟然收到HKU打電話黎話俾offer我!!!! 算擺啦, 低左$2000人工, 又無bonus, merit同grad..... 點頂呀!! 都話d好野都唔會輪到我哩個地獄黑仔王架啦!! 想轉工, 攪左咁耐, 終於有得in, 仲有埋offer tim, 但係又咁既pay, 真係俾個天玩死!

Interview

琴日去左HKU婦產科度interview, 之前問過d salary range.... 都預左今日係去拎個interview經驗架啦!! hahaha.... 可能太relax既關係, 一開始已經遲到....雖然唔係遲左好耐^^ 跟住又因為係用中文in既關係, 更加令我可以講得比平時多同fluent! 我諗如果同一條問題用英文問我, 我可能唔識咁答tim..... 不過原來個salary比我預期中更低!!!!!! 玩咩!!!

成績

hahaha... 收到CRE既成績啦!!! 小米原來真係叻過大米架!!!! 小米原來唔係中文白痴呀!!!^^

(估下邊張成績單係我既... hehehe...^^)


至於1st hematology practical test, 18/30!! 成績叫OK啦, 第一次, 又趕又驚又做唔哂, 算係有交代啦!! 全班最高分果個係22/30.....

惡人谷谷主生日快樂

1月6日星期六, 大米已經同屋企人去德福稻香食晚飯慶祝生日, 果時大米仲大手掃貨買左好多衫tim呀!!!! 大米掃貨小米當然要負責埋單啦....... 雖然我好窮, 但係我都好捨得買野俾大米既~~~^^

(第一張聖誕燈飾既相.... 竟然要過左咁耐先影)



1月7日星期日, 今日係大米既舊曆生日, 不過因為今日太太太凍啦!! 無出街慶祝, 只係叫左外賣pizzahut.....

1月8日星期一, 今日係大米既新曆生日, 亦都係大米係PWC"處男下海"出第一隻job! 希望順順利利整過頭彩!!! 夜晚8:00p.m.大米終於都有時候同小米食birthday dinner, 由於原本諗住就大米同埋小米實在等得太耐啦, 所以我揀左去德福平台既"茜廊餐廳", 諗住以前大米住九龍灣咁耐都無同佢試過, 又見佢可以candle-light dinner.... 點知....以佢既價錢 ($200), 食d咁既質素既食物同埋service就真係超唔值囉!!!!!! d野好細碟, 同埋好咸呀!!!!!! 真係無下次呀!! 加上大米又偏頭痛發作, 我地好快就食完返屋企loo.....

Celebrationssss

12月30日, 我同大米提早慶祝除夕, 仲煮左大餐tim~~ 今年係我地"見番"既10週年紀念, 時間真係過得好快, 其實每一年既除夕, 我都會諗起果年係Times Square倒數既場面, 年年都好似舊年發生既一樣~ 變左既係我已經成為蔣太啦~^^

(原盅南瓜湯 + 白汁海鮮菠菜意粉 + 牛扒)



12 月31日, 今晚約埋屋企人一齊去左元朗大榮華度食晚飯慶祝Mammy生日; 我同大米由4:30p.m.去到等派飛仔, 拎完我地就去左千色店果度行左一陣, 大約5:45p.m.就返大榮華度等抬.....煩! 其實想試佢地既晚飯好耐, 不過諗住多d人可以叫多d野食, 今次又因為Mammy生日可以"ding"起心肝去等位.... d野食OK啦, 我地果晚食左五味雞 (其實係豉油雞, 不過d豉油甜d同埋入味d), 頭抽蒜泥煎蝦 (幾OK, d殼都好軟, 可以食埋tim), 拖地叉燒 (一層肉一層肥.....), 干燒伊麵 (OK好味, 唔似出面咁咸), 生炒骨 (麻麻), 咸檸檬蒸烏頭 (幾好味, 蒸得岩岩好, 同埋唔腥), 頭抽豬油撈飯 (大米自己食既, 佢話好香, 不過好咸), 鮑汁鮮菇豆苗 (OK啦) 同埋馬拉糕 (勁正!!!!!!! 諗起又想食食食^^), 埋單$5XX, 都真係幾抵食既, 有無下次就要睇下有冇心機同時間去排隊啦~