SAA

今日同大米去左郊遊: 元朗一日遊!

第一站: 元朗大榮華酒樓; 我地搭西鐵去到朗平站, 之後行左10MIN就到啦! 比想像中快好多, 不過真係覺得係郊區囉, 尤其係周圍d shops同人...... 去到大榮華, 叫左d點心, 一個义燒飯同一個滑蛋雞粒炒飯, 馬拉糕真係好正, 好想再食!! 义燒好好味, 個炒飯ok啦, $20好大大大碟好抵食!! 下次一定要帶daddy mammy黎試!

第二站: 保護被遺棄動物協會SAA; 等左幾班Van仔先上到車, 一上車問係邊度落車, 點知個個都知果度有個狗場, 佢地真係幾出名喎! hehe.... 好快就去到目的地, 好彩係大米陪我, 如果唔係我都未必敢自己一個去, 因為真係四周都好偏僻架! 行到入去有個肥叔叔招呼我地, 仲同我地講如果俾d 狗狗圍住都唔好大聲叫同大動作, 要calm down, 滿足完佢地既好奇心佢地就會自動行開架啦! hahaha.... 大米即刻好驚咁! 入到去已經有幾隻狗狗係度, 佢地可以好free咁周圍行既, 因為佢地train過可以用黎招呼d新朋友既~ 登記好之後我地就入左一個房, 果度係一個隔離有病狗狗既房, 所以入到去就要好快決定再行唔行前入狗房架啦, 大米係出面已經聽到入面凌厲既狗吠聲, 所以唔敢同佢地有進一步既接觸!~ 於是我就單人匹馬入去啦!!!

一推門入去, 入面差不多成百隻狗向我狂吠!! 唔知佢地係嘈我定係歡迎我哩個新朋友呢?! 希望係後者啦! 果度隻隻狗都有自己一個籠, 出面有個牌寫左d簡單既information, 例如Breed, age, sex, character, diet等等. 為左公平起見, 我去哂每一個籠, 探哂每一隻狗, 每一隻我都會睇睇佢既info card, 之後叫下佢個名, 同佢傾下計, 如果佢OK既就摸下佢俾佢撤下嬌! 哩度大部分既狗狗都係之前被人遺棄既, 已經對人失左信心 (有d仲好驚人, 見到陌生人會退後縮埋一角, 睇到都好唔開心), 我真係希望可以多d去探佢地, 俾佢地知道有人會關心佢地, 等佢地對人有番信心, 可以再次俾人領養, 過番d俾人鍚既生活! 好多時見到而家街上面好多寵物狗, 有主人鍚過得好開心, 心理面都會諗點解世界上有另一班狗唔可以過同樣既生活, 希望d狗主真係可以堅守佢地對狗狗既誠諾, 照顧佢地一生一世!